Deploy ESXI Remotely “PXE Boot, Auto Deploy, HTTP Boot”

فى المقال بتاعنا النهادره هنتكلم على الطرق المختلفه اللى من خلالها تقدر تعملinstall لل ESXI علي اكتر من سرفير فى نفس الوقت وباقل مجهود هات قهوتك وركز معايا

مبدائيا لازم تعرف ان القاعده الاساسيه انك تعمل remote installation لاي نظام تشغيل اذا كان ESXI OS او حتى Windows OS فلازم يكون عندك شويه متطلبات اساسيه موجوده “PXE Boot, TFTP Server, DHCP Server” علما بانVMware غيرت الفكر ده زى ماهنشوف بعد كده

PXE Boot
هي اختصار الى Preboot Execution Environment(PXE) وهي خاصيه بتمكن جهاز الكمبيوتر انه يقدر يعمل Boot من خلال كرت النتورك قبل مايشغل نسخه OS الموجوده عليه وبيحتاج PXE boot الى DHCP Serverعشان يقدر ياخود منه IP وكمان Options عشان يقدر يكمل مهمته بعد كده زى ما هنشوف

DHCP Server
هو اختصار الى Dynamic Host Configuration Protocol (DHCP) وهو عباره عن سرفير دوره فى النتورك انه يوزع IP لاى جهاز محتاج مع شويه Options حسب ما احنا عاملين Configuration انا مش هتكلم على ازاى نشغله او حتى طريقه عمله فى اكتر من مقال واكتر من فيديو موجودين على الانترنت لمهندسين افاضل بيشرحه بالكامل بطريقه ممتازه ولكن النقطه المهمه اللى عاوزك تعرفها اذا كنت هتعمل DHCP جديد او هتستخدم DHCP اللى موجود عندك فى الشبكه انك محتاج تفعلOptions دول عشان تقدر تعمل remote installation زى ما هنشوف بعد كده

Scope option 066 –> Boot Server Host Name (IP or FQDN of the TFTP server)

Scope option 067 –> Bootfile Name

TFTP Server
هو اختصار الى Trivial File Transfer Protocol (TFTP) هو عباره عن برتكول بسيط لنقل البيانات من سرفير الى الكلاينت عن طريق UDP برتكول
وتقدر تشتغل TFTP Server عندك فى الشبكه من على Windows عن طريق انك تستخدم application بيقدر يوفرلك الخدمه دى زى https://www.solarwinds.com/free-tools/free-tftp-server او كمان تقدر تستخدم البرنامج ده وهو بيقدر يوفرلك TFTP Server وكمان DHCP فى نفس الوقت https://www.vercot.com/~serva/download.html او ممكن تعمل ده بدون اى برامج عن طريق استخدام Linux OS حمل نسخه centos من هنا https://www.centos.org/download/ وبعدين طبق الامرين دول
sudo yum update
sudo yum install dhcp tftp-server syslinux xinetd httpd

طريقه العمل
فكره العمل هنا انه السرفير لما بيحصله Power-On بيبتدى يعمل Boot بناءا على اعدادات Bios من حيث الترتيب بمعنى انه مثلا ممكن يكون الاعدادت انه يعمل Boot الاول من HD فى حاله لو مالاقش Boot file هيبتدى يروح USB مالاقش Boot File هيروح على Network adapter بالتحديد جزئيه PXE فى الحاله دى كرت النتورك هيبتدى يدورعلى DHCP Server عشان يديله IP
هنا بقى DHCP مش هيديله IP بس لا وهيديله كمان Options اللى رقمها “066” اللى هتقول للجهاز روح الى TFTP Server ده وكمان Option رقم “076” اللى هتعرفه انه يستخدم Boot file ده “bootx64.efi” اللى موجود على TFTP Server
هيبتدى السرفير يحمل Boot file من على TFTP Server ويعمل Boot وبناءا على نسخه Boot هيبتدء الجهاز يكمل عمليه تثبيت نظام التشغيل اما اذا كانت manual installation اوunattended installation

الاعدادت
لعدم وجود الامكانيات الحاليه لتطبيق التكنيك ده ولحفظ حقوق الملكيه لاصحاب المواقع اللى مطبقه الموضوع ده فانا هحطلك احسن الموقع اللى ممكن تاخودها كمرجع عشان تقدر تطبق الموضوع ده

عشان تطبق الاعدادت المطلوبه على Linux OS تقدر تطبق الخطوات الموجوده هنا https://rudimartinsen.com/…/building-a-pxe-boot…/

عشان تطبق الاعدادت المطلوبه على Windows OS تقدر تطبق الخطوات الموجوده هنا https://www.youtube.com/watch?v=F3JhFmy-Fiw&t=698s

VSphere Auto Deploy
شركه VMware حبت تسهل الموضوع شويه وكمان تضيف بعد المزايا فعملت لنا Auto Deploy فى vCenter وهى فى الواقع عباره عن اتنين سرفيس “Auto deploy, Image Builder”

Auto Deploy
هى خصيه موجوده فى vCenter بتمكنا اننا نعمل Provision ل New ESXI Server عن طريق استخدام نفس التكنيك اللى احنا ذكرناه فوق بس بسهوله ويسر وكمان ادتنا الامكانيه انك تقدر تعمل Custom Image وتضيف Driver اللى انت محتاجها عن طريق Image Builder وكمان تقدر انك تعمل كل الاعدادت المطلوبه لل ESXI مره واحده عن طريق Host Profile وكل ده تقدر ان تعمله deploy على اكتر من server فى نفس الوقت وطبعا Auto Deploy هتحتاج كل prerequisites اللى احنا ذكرنها قبل كده “TFTP Server, DHCP Server” عشان تقدر تشتغل هي بس هتسهل عمليه deploy بدل ما انت كنت مثلا حابب تضيف Driver معين كنت هتضيفه Manual وبعدين هتعملCopy لنسخه ESXI فى TFTP Server لا هى هتعمل كل ده بسهوله وهتديك Boot file جاهز تحطها فى TFTP Server وكمان هيكون موجود على vCenter نسخه Host Profile اللى هتطبق كل الاعدادات على السرفير مره واحده زى “root password, vmk configuration, vds configuration and much more” وتقدر عن طريق Auto Deploy Rule انك تحدد ESXI Image وتحدد Host Profile اللى انت عاوز تعملها deploy

Image Builder
وهى خصيه جميله موجوده فى vCneter كجزء من Auto Deploy وتقدر انك تشغلها لوحدها بتقدر تخليك تعمل Custom Image وتضيف عليها كل drivers اللى انت محتاجها وتقدر تعمل download لل image دى بعد كده وتستخدمها offline او تقدر تستخدمها مع Auto Deploy Rule
وممكن تشوف المرجع ده لطريقه اعداد vSphere Auto Deploy https://vkernel.nl/how-to-configure-vsphere-7-x-auto-deploy/

UEFI HTTP boot
من اول اصدار ESXi 7.0 Update 2 قامت شركه Vmware باصدار طريقه جديده ل deploy سرفيرESXI عن طريق HTTP Boot وهى طريقه جديده بيلغى فيها فكره “PXE Boot, TFTP Server, DHCP Server” ويستخدم فيها HTTP server بس فى عمليه Deploy بس بشرط انه يكون السرفير عندك بيدعم UEFI firmware with HTTP support وفى الحاله دى كل الاعدادات المطلوبه هى

networkBootProtocol – httpv4 or httpv6

networkBootUri – HTTP URL to the ESXi bootloader (bootx64.efi)

وبعدها بيقدر السرفير يتصل HTTP Server ويحمل نسخه ESXI الموجوده الفكره لسه جديده وماشفتش عليها طبيقات كتير ولكن هى فعلا فكره قويه واعتقد كل السرفير الجديده هتدعم UEFI firmware with HTTP واعتقد هتبقى هى المستقبل فى عمليه remote deploy مش بس لل ESXI هتبقى لكل OS وتقدر تشوف المرجع ده لطريقه الاعداد https://4sysops.com/…/how-to-install-esxi-70-u2…/

فى الجزء ده تطرقنا remote deploy بالطرق المختلفه المقال الجاى ان شاء الله هتكلم عن طريقه عمل automated installations بستخدام script اتمنى اكون افدتكم لو بمعلومه بسيطه