Carbonite High Availability

هنتكلم النهارده على سليشون من اسهل وابسط سليشون تقدر تستخدمه عندك وانت بتعمل DR site

سليشون Carbonite او المعررف زمان باسم Double-Take مش هقدر اقولك هات القهوه بتاعتك وركز معايا احنا فى رمضان والمفروض انت صايم

شركه Carbonite او Double-Take Replication سابقا هى عباره عن شركه عندها مجموعه من البرامج الخاصه بعميله High Availabilityو Disaster recovery و Migration وكمان عندهم منتجات خاصه بال Backup وال User Endpoint App و Information Archiving بس احنا هنتكلم فى المقال بتعنا عن جزئيه High Availability بالتحديد وتقدر تتعرف على الشركه ومنتجاتها من اللينك ده https://www.carbonite.com/data-protection/solutions-overview

طريقه العمل Carbonite High Availability

قبل ما نتكلم عن طريق العمل خلينى اقولك ان فى مقال بيتكلم على النقطه الاساسيه لل DR Site ممكن تروح تقراه من اللينك ده لو ماكانتش قريته قبل كده https://www.facebook.com/photo/?fbid=10167495918295650&set=a.201185575649

معظم البرودكت الخاصه Carbonite بتعتمد على فكره Double-Take Replication عن طريق Agent بمعنى اننا لو عندنا مثلا File Server او Application Server او اى سرفير يكون non Aware Disaster Recovery ساعتها هحتاج انى اعمل سرفير يكون نفس OS بس مش مهم يكون نفس Hardware Configuration يعنى ممكن تكون RAM مختلفه او ممكن يكون عدد CPU مختلف بس شرط اساسى فى حاله انى هعمل Full Server Replication انه يكون نفس OS ويكون كمان نفس Storage Drive يعنى لو السرفير الاساسى فى C: و D: وF: لازم السرفير اللى فى DR يكون بيحتوى على نفس storage Drive بس مش شرط يكونو نفس المساحه بعد كده حضرتك هتنزل Carbonite agent فى السرفين اللى بيكون اسمهم Source Server وده السرفير اللى عاوزين نعمل منه نسخه فى DR Site وTarget Server وده السرفير الجديد اللى موجود فى DR Site اللي هيتسنخ عليه الداتا الموجوده فى Source Server وتفتح البورتات مابينهم 6320, 6325, 6326 ومتنساش يكون البرتكول TCP,UDP ساعتها Source Server هيقدر يتصل بال Target Server وبناءا على الاعدادت اللى انت عملها هيبتدى يعمل Replication اذا كان Folder/files او Full Servers وكمان يقدر انه يعمل provision للسرفير على ESXI OR Hyper-V

طريقه الاعدادت

بيتكون Carbonite من اتنين Competent وهما

Server Competent

ده بيكون عباره عن Replication agent اللى بينزل على source server وعلى target Server زى ماقولنا

Client Console Competent

وده بيكون عباره عن Console اللى هتعمل من عليه الاعدادات وكمان تعمل من عليه Failover فى حاله لو حصل Disaster ويفضل انه ينزل على Target Server فى DR site ومافيش مشكله ممكن تنزله على السرفرين Source وال Target

بمنتهى البساطه بعد ماتحقق الشروط اللى ذكرنها فوق ان يكون Target Server نفس OS وكمان Storage Drive زى Source Server وتفتح البورت المطلوبه وتنزل Agent على كل منServer Source وال Target Server ساعتها هتروح تشغل Carbonite Console ومن جزئيه Server اللى هتلاقيها موجوده فوق فى اول البرنامج هتروح تضيف كل السرفيرات اللى هتعملها Replication هتضيف Source Servers وهتضيف كمان Target Servers وبعدين هتحدد السرفيرات بتاعتك وتدوس واحده Right Click من الماوس هتروح على جزئيه credential وتحط Admin Account اللى موجود على السرفير ممكن تستخدم Local admin account او ممكن تستخدم Domain Admin Account المهم انه يكون Member of Local Administrator Group للسرفير

بعد لما تحط credential هيبتدى Carbonite يتصل بالسرفير عن طريق Agent بعدين هتحتاج تحط License بنفس الطريق هتحدد Source Server وتدوس Right Click من الموس وتختار License وتقدر تعمل Activation لل License بطريقتين Online او Offline وخليك عارف ان License بتتحط على Source Server بس ومش محتاج تحطها على Target Server بعد كده انت جاهز عشان تعمل Replication Job بتاعتك

هتروح على جزئيه Job اللى هتلاقيها فى اول البرنامج فوق هتلاقى السرفير اللى انت ضفتها موجوده عندك هتروح تحدد Source Server وتدوس واحده كمان Right Click من الماوس وهتختار Protect وساعتها هيسالك عاوز Folder/File ولا Full Server ولا Full Server to Hyper-V or ESXI وفى الحاله بتاعتنا هنختار Full Server وهتبتدى تحدد Target Server بتاعك وخليك عارف ان replication Job فى Carbonite شغاله بفكر per to Per configuration يعنى لكل Source Server ال Job الخاصه بيها اللى بتحدد هى هتعمل Replicate او حتى هتعمل Migrate مع target server بتاعها بس بمعنى عند 5 سرفير هتعملهم Replication هيبقى عندك 5 jobs

هتلاقى اعدادات كتير اوى زى انك تعمل ابديت DNS فى حاله Failover او انك تحدد Bandwidth للترافيك الخاص بالربلكيشن او انك تعمل compression او انك تفعل خاصيه Snapshot وتحدد كل اد ايه بس خالى بالك عشان ساعتها هتبقى محتاج استورج كبيره جدا على السرفير لو فكره تفعل الخصيه دى وغيرها وغيرها من الخصائص اللى ممكن تتحكم فيها

بعد لما تعمل replication Job ساعتها هيبداء Carbonite يعمل Sync وهيبتدى ينقل الدتا من Source Server الى Target Server حسب سرعه اللينك عندك وهتلاقى عندك خصائص زى انك تقدر تعمل Stop فى اى وقت لل Replication او تقدر تشتغله او تقدر تعمل pause بمعنى ان هيوقف Replication بشكل مؤقت

طيب ايه الفرق بين Stop و pause فى حاله Stop ورجعت شغلت Replication من تانى ساعتها هبيتدى يعمل Sync لكل السرفر من الاول ولكن فى حاله pause وهو بيوقف Sync بشكل مؤقت والتغييرات اللى بتحصل على Source Server هو بيسجلها فى Cash Path بتقدر انت تحدد مكانه ومساحته اول ما ترجع Sync تانى بينقل التغييرات بس

نفس الفكره فى سؤال هيحصل ايه لو الكونكشن اتقطع مابين Source Server ومابين Target Server اكيد انت استنتجت انها هتكون نفس الاجابه Source Server هيسجل التغيرات فى Cash Path وهينقلها لما الكونكشن يرجع تانى

اخيرا فى حاله حدوث اى كارثه او اى مشكله وحبيت تعمل Failover هتروح على Job الخاصه بالسرفير اللى انت عاوزه تعمله Failover وهتعمل Right Click من الماوس وتختار Failover او تختار restore لو كنت مفعل خصيه Snapshot او حتى تعمل Failback لو حابب

مش حابب اطول عليكو اكتر من كده هو برودكت جميل وسهل وتقدر تستخدمه لكل سرفيرات non Aware Disaster Recovery وفى طبعا سليشون تانيه كتير تقدر تقوم بنفس المهمه بس بطرق مختلفه هتتكلم عليها بعد كده