Dell EMC VxBlock System

النهارده هنتكلم على Dell EMC VxBlock System تقدر تسميه الوحش الكاسر تقدر تسميه العملاق الشرس تقدر تسميه زى ماانت عاوز بس حقيقي هو ك Converged System فهو جبار هاتك قهوتك وركز معايا

قبل ما ابتدى اقولك هو Dell EMC VxBlock بيتكون من ايه ووالاجهزه جوه بتتوصل ازاى خلينا نعرف الاول ايه معنى Converged Systems

حضرتك عشان تبنى الداتاسنتر بتاعتك بيبقى ادامك اختيار من 3 اختيارات “Traditional Datacenter, A converged Infrastructure rack, Hyper-converged Infrastructure nodes”

اولا Traditional Datacenter وده معناه انك هتبتدى تختار نوع السرفيرات وموديلتها وبعدين هتختار نوع الاستورج وموديلتها وبعدين تختار نوع السوتشيات والروتر والفايرول وموديلتها حتى طريقه التوصيل والسرعات انت هتختارها وده محتاج خبره كبيره جدا عشان تقدر تتجنب المشاكل اللى ممكن تحصل نتيجه hardware compatibility issues وحتى كمان اوقات كتير عند التشغيل بتكتشف ان فى خصائص معينه مش هينفع تشتغل عشان الاجهزه مش متوافقه مع بعضها او ممكن يكون الاداء performance غير ماهو متوقع تماما ونبتدى ندور على حلول ونعمل بدائل workaround عشان نقدر نحل المشاكل دى وده وجه النظر من زوايه

اما الزاويه التانيه بقى فى Support تخيل معايا ده انك عندك مشكله مثلا فى Exchange Server والداتابيز بتعتك بيحصلها database corruption انت متخيل الدوامه اللى هتدخل فيها لانك هتفتح تيكت مع كل فيندور اذا كان Server Vendor او Storage Vendor او network Vendor وطبعا كل واحد هيقولك المشكله مش من عندى معروفه طبعا وهتفضل تلف مابينهم لحد ماتحل المشكله او نقدر نقول لحد ماتسبت لحد فيهم ان المشكله من عنده وتبتدى تحط حل للمشكله

هنا بقى يجى الاختيار التانى هو Converged Systems بمعنى converged Infrastructure rack يعنى انا هروح الى Vendor زى Dell مثلا وهشوف converged Infrastructure rack اللى عندهم وده بيكون عباره عن Rack كامل متكامل هو فيه Network Devices وبيكون فيه Servers وبيكون فيه Storage وحتى كمان الكابلات والتوصيلات بتكون موجوده ومتحدد سرعاتها مثلا ممكن تكون 10 GB او 25 GB وفى بعض الكونكشن بتكون 40 GB اول ميزه هخودها ان Vendor هيكون محدد الموديلات والانواع بتاعت الاجهزه اللى جوه rack بناءا على اختبارات كتير اوى هو عملها عشان يقدر يحدد ان نوع السويتش ده وموديلات دي بالتحديد هتكون موجوده فى Rack مع نواع Servers دى مع نوع Storage دى وهكذا اولا تجنبت مشاكل hardware compatibility issues ومشاكل performance حتى كمان لما بينزل Update لاى جهاز من الاجهزه المتصله الVendor بيعمل اختبار للابديت ده الاول ويشوف اذا كان هيعمل مشاكل ولا لاء قبل ما ينزله الى Client عشان يعملو Install على الاجهزه عندهم ثانيا اما بالنسبه لنقطه السبورت مشكله زى مشكله الاكستجينج اللى ذكرنها فوق فى الحاله دى انا هفتح تيكت واحده مع Dell Support وsupport هو اللى هيفتح تكيكت مع EMC Storage وهو اللى هيتفح مع Cisco وهو اللى هيفتح مع قسم Servers هو كمان اللى هيتابع معاك ومع Vendors التانيه لحد ما المشكله تتحل حتى لو فى جزء محتاج يتغير هيبعت لاقرب بارتنر عندك وهيبعتلك مهندس بالجزء المطلوب وهيقوم بتغييره

اما النوع الاخير hyper-converged infrastructure وده بقى انا هتكلم عليه فى مقال لوحده خالص لانه قصه كبيره ومحتاج نتكلم مع بعض فيه كتير

نرجع بقى لموضوعنا بعد ماعرفنا ان Dell EMC VxBlock هو عباره عن a converged Infrastructure rack وعرفنا يعنى ايه Converged Systems تعالى نعرف هو بيتكون من ايه Dell EMC VxBlock بيتكون من 3 اجزاء “AMP, Storage, Compute”

AMP
وده بيكون عباره عن Servers + Storage + Network وبيكون مسؤل عن عمليه Management بمعنى ان Dell عامله اكتر من دزين تقدر تختار واحد منهم عشان تقدر تعملmanage لل VxBlock System بتاعك وده بيكون عشان نحط عليه كل ماهو Management VMs زى مثلا vCenter اوPowerPath/VE Management Appliance (PPMA) او ممكن Cisco Intersight Virtual Appliance او يكون SRM او ممكن يكون vmware vrealize suite وغيرها من Management VMs المختلفه وDell بتقدم لينا 4 دزين “AMP-3S, AMP-VX, AMP Central for single system management, AMP Central for multisystem management” تقدر تختار مابينهم حسب حجم VxBlock System وحسب high availability level اللى انت حابب توصلها وكمان كل نوع هيتختلف فى اقل عدد من السرفيرات ممكن تستخدمه ونوع الاستورج وطبعا ده هياثر على التكلفه يعنى السعر لما هتشتغل VSAN غير لما هتشتغل Storage Dell Unity عموما تقدر تشوف موديلات السرفير والاستورج وتختار مابينها من اللينك ده https://docs.delltechnologies.com/…/GUID-ED8ED4C5-AC62…

اما بالنسبه لجزئيه النتورك فالغلب بيكون Cisco Nexus 31108TC-V OR 93108TC-FX3P Management Switches او ممكن يكون Cisco Nexus 92348GC-X Management Switch وده بيكون مسؤل عن توصيل ESXI Server المخصصه لل AMP مع الاستورج وكمان مع fabric interconnect عشان يقدر يوصل مع chassis اللى فيها Servers بتوعك زى ما هنشوف بعد كده وتقدر تشوف الموديلات المتاحه وتختار منها من اللينك ده https://docs.delltechnologies.com/…/GUID-B2E7E5BA-B6DB…

فى الاغلب المكونات دي كلها بتكون موجوده فى اول Rack عندك من راكات VxBlock System وعشان نبسط الموضوع نقدر نقول ان AMP هو عباره عن مجموعه سرفيرات متصله مع استورج متصله مع بقيت السيستم عشان نقدر نعمل Manage للسيستم وخلينا اقولك ان Racks دى بتجى متقفله وجهزه من Dell حتى توصيل الكبلات بيكون معموله باحترافيه عاليه الا فى حالات معينه احيانا Client بيطلب انه ينقلهم من Racks اللى هما فيهم الى Racks الخاص بيهم وطبعا ساعتها بتكون عمليه مرهقه جدا وفى الاغلب Vendor هو اللى هيعملها

Compute
ودى عباره عن السرفيرات بتاعتك اللى هتسخدمها اذا كنت هتسخدمها فى virtualization technology او حتى هتسخدمها bare-metal servers بس طبعا ومؤكد هتسخدمها فى virtualization technology بعد ماتعرف العرض اللى بتقدمهولك Dell بالشراكه مع VMware بس عموما السرفيرات دى ممكن تكون ياما Cisco UCS B-Series Blade Servers او Cisco UCS C-Series Rack Servers بس اعتقد من الحكمه انك لو هتستخدم السليشون ده فمن الافضل تستخدم Cisco UCS B-Series Blade Servers لانه هيقدر يديك عدد سرفيرات كبير بناءا على Chassis اللى هتركبها لان كل chassis بيشل 8 بليد سرفير زى مااحنا عارفين وممكن يكون السيستم بتاعك Mixed يعنى بيحتوى على الاتنين Cisco UCS B-Series Blade Servers and Cisco UCS C-Series Rack Servers كل ده Dell هتقدر توفرهولك بناءا على طلبك وكمان مواصفات السرفيرات من حيث Memory, CPU and storage كل ده هتقدر تختاره وتحدده بناءا على احتياجك وبالطبع كل ده هياثر على السعر وتقدر تشوف السرفيرات ومواصفاتها واقل واكتر عدد ممكن تستخدمه فى الدومين الواحد من اللينك ده https://docs.delltechnologies.com/…/GUID-A4C07330-76B0…

Cisco UCS fabric interconnects
وده تقدر تقول انه Fiber switch بيتوصل عليه السرفيرات اللى موجوده فى جزء Compute عن طريق IO Model اللى بتكون موجوده فى chassis وكمان بيكون فيه Up Link بيتوصل مع MDS Storage Switch عشان السرفيرات تقدر تشوف الاستورج وكمان بيكون في up Link بيوصل بال Cisco Nexus data plan switch اللى عن طريقه بتقدر تتصل بال External Network بتاعتك

Storage
وهنا بقى Dell بتستخدم منتجات EMC Storage بانواعها المختلفه زى VMAX او PowerMax او Unity او حتى PowerStore وكل نوع موجود منه اكتر من موديل بمساحات جباره و IO خرافيه وتقدر تشوف الموديلات دى ومواصفاتها من اللينك ده https://docs.delltechnologies.com/…/GUID-4F90E609-A277…
وطبعا مش عاوز اكرر تانى ان كل نوع والمساحات اللى هتختارها بالتاكيد هتاثر على سعر اما بالنسبه لجزئيه النتورك الخاصه بالاستورج Dell بتستخدم Cisco MDS Switch باكتر من موديل زى Cisco MDS 9148S Multilayer Fabric Switch او Cisco MDS 9148T Multilayer Fabric Switch وغيرها من الموديلات وتقدر تشوف الموديلات ومواصفاتها من اللينك ده https://docs.delltechnologies.com/…/GUID-AB79CAA0-C701…

Network
جزئيه النتورك هنا زى ما شوفنا AMP ليه السويشتات بتاعته وكمان الاستورج ليها MDS سويتش بتاعتها وفى كمان سويتشات بتكون موجوده بنسميها data Plan ودى بتكون Cisco Nexus مهمتها انها تكون حلقه الوصل مابين fabric interconnect ومابين External Network ومابين AMP سيستم وزى ما Dell عودتنا بتكون اكتر من موديل وكمان بسرعات مختلفه 10GB, 25GB, 40GB وتقدر تشوف موديلات السويتشات ومواصفاتها من اللينك ده https://docs.delltechnologies.com/…/GUID-6B2E705F-44E5…

طريقه التوصيل
بختصار شديد الفكره ان السرفيرت هتتصل ب fabric interconnect عن طريق IO Module اللى موجود فى chassis وال fabric interconnect هيكون فيه Up link متصله مع MDS SW عشان يقدر يتصل بالاستورج وكمان هيكون فيه Up link متصل Data plan SW عشان يقدر يتصل External Network وكمان يكون متصل ب AMP Infra وطبعا التوصيل معظمهم ده لو ماكانش كله Fiber connection بختلاف السرعات اللى بتكون ما بين 10GB, 25GB, 40GB

اخيرا حابب اقولك ان Dell EMC VxBlock System بالشراكه مع VMware بيقدمو السليشون ده مع VMware (including VMware Cloud Foundation, vRealize, vSphere, NSX-T and vCenter) وتقدر كمان تضيف عليهم زى SRM وكمان RP4VM

اهم حاجه لازم تكون عارف اننا بنتكلم فى Enterprise Solution بيكون لل Service Provider او الشركات Enterprise Management فلازم تعرف ان التكلفه هتكون كبيره بس احنا بنتكلم تقريبا على اقوى سليشون موجود فى السوق من ناحيه A converged Infrastructure rack وهو فعلا معقد وفيه امكانيات كتير جدا ولكنه اثبت كفاءه عاليه واثبت وجوده

اسف على الاطاله حاولت اختصر على اد مااقدر وان شاء الله هتكلم فى المقال الجاى عن hyper-converged infrastructure